Maskat kundër infeksionit Covid-19 më bëhen më pak efektive kur lagen në shi, kanë paralajmëruar shkencëtarët e OBSH-së.

Punonjësit shëndetësorë dhe një numër ekspertësh thanë që mbulesat e fytyrës duhet të zavendësohen nëse lagen në shi dhe u kanë bërë thirrje qeveritarëve që t’i japin publikut “udhëzime të qarta” për të mbajtur maska gjatë motit të lagësht, transmeton portal arbresh.info

Në Mbretërinë e Bashkuar, ku shumicën e kohës ka shi, maskat nuk janë të obliguara, megjithatë njerëzit vendosin t’i mbajnë ato për shkak të kujdesit të shtuar gjatë pandemisë.

Tim Spector, një profesor i epidemiologjisë gjenetike në King’s College të Londrës, i tha Times: “Do të ishte e dobishme që publikut t’i ipen këshilla të sakta. Maskat duhet të ndryshohen rregullisht, dhe kjo është veçanërisht e rëndësishme në mot të nxehtë dhe të lagësht.”

Sipas udhëzimeve zyrtare të Ministrisë së Shëndetësisë dhe Mirëqenies Sociale, të gjithë duhet të “ndryshojnë maskën e fytyrës nëse ajo laget ose nëse është  prekur me duar”.

Në mënyrë të ngjashme, udhëzimet e OBSH-së thonë se maskat e fytyrës prej pëlhure duhet të përbëhen nga të paktën tre shtresa të materialit të ndryshëm. Sidoqoftë, shtohet se lagështia mund të rrezikojë këtë mbrojtje./arbresh.info/