SpaceX do të dërgojë ekuipazhin e parë të qytetarëve në hapësirë

13:06 | 14 Shtator 2021

Ekuipazhi i parë civil është vendosur të ngritët në orbitën e Tokës nga Launch Complex 39A në Qendrën Hapësinore Kennedy të NASA-s në Florida.

SpaceX i Elon Musk do të dërgojë katër persona në hapësirë të mërkurën në një mision tre ditor të quajtur Inspiration4, shkruan Space.com transmeton arbresh.info

Fluturimi i SpaceX do të udhëhiqet nga sipërmarrësi miliarder Jared Isaacman, themeluesi amerikan dhe shefi ekzekutiv i firmës së tregtisë elektronike Shift4 Payments.

Synimi kryesor i Isaacman është të rrisë ndërgjegjësimin dhe mbështetjen për një nga shkaqet e tij të preferuara, Spitalin Kërkimor të Fëmijëve St. Jude, një qendër kryesore e kancerit pediatrik.

Ai ka premtuar 100 milionë dollarë personalisht për institutin.

Anija kozmike do të sillet rreth globit një herë në 90 minuta me më shumë se 27,360 km/orë. Lartësia e synuar është 575 kilometra, përtej orbitave të Stacionit Hapësinor Ndërkombëtar apo edhe teleskopit hapësinor Hubble. Pas tre ditësh orbitë rreth Tokës, anija kozmike do të zbresë në Oqeanin Atlantik në brigjet e Floridës.

Ekuipazhi ka pasur stërvitje komerciale të astronautëve që kanë zgjatur me muaj të tërë, përfshirë simulime misioni.

Ata gjithashtu u trajnuan për menaxhimin e stresit, si dhe në trajtimin e situatave emergjente. /arbresh.info/

https://www.space.com/spacex-starlink-satellites-1st-west-coast-launch?jwsource=cl

 

Shpërndaje në rrjete sociale

Lajmet më të lexuara