“Shihemi në gjyq”, i thotë nipit pasi fitoi loton

09:38 | 13 Korrik 2018

Një grua kanadeze ka kërcënuar me veprimin e parë pas fitimit të lotarisë me padi ndaj nipit për gjysmën e tij prej 1.2 milion dollarë.

“Shihemi në gjyq”, Barabara Reddick i tha Tyrone Maclnnis ndërsa të dy pozonin m çekun gjigant në provincën Nova Scotia, transmeton portali arbresh.info.

Emrat e të dyve gjenden në tiketën fituese të “Chase the Ace”.

Por znj. Reddick pretendon se kurrë nuk premtoi të ndajë çmimin me të.

“Unë po e çoj në gjykatë”, tha ajo për ata që u mblodhën në ceremoninë e fituesve të enjten në Margaree Forks, një komunitet i vogël prej rreth 3,400 njerëz, sipas CBC.

“Nesër do të marr një avokat”, tha ajo duke mohuar se kishin një marrëveshje, gjë të cilën e pretendon nipi.

Ajo tha se e shkruajti emrin e nipit në tiketë vetëm për fat, sepse ai ishte si një djalë për të.

Zonja Reddick u tha gazetarëve se ajo premtoi vetëm për të ndarë fitimet e mundshme nga një përzgjedhje më e vogël, jo edhe xhekpotin.

“Ai ishte fatsjellës, por jo për gjysmë milioni dollarë”, tha ajo.

Chase the Ace është një lotari e njohur në të gjithë bregun lindor të Kanadasë dhe shpesh ngre para për bamirësi, në këtë rast për shërbimet rajonale të zjarrit./Arbresh.info/

Shpërndaje në rrjete sociale