Kërkesa për prezervativë është rritur në Rusi pasi njerëzit kanë frikë nga rritja e çmimeve dhe mungesat e shkaktuara nga sanksionet perëndimore.

Shitësi më i madh në internet i vendit, Wildberries, pa shitjet me rritje me 170% në dy javët e para të marsit, krahasuar me vitin e kaluar, transmeton portal arbresh.info

Rrjeti i farmacive 36.6 i Rusisë raportoi një rritje prej 26% në shitje, ndërsa supermarketet thanë se ato të tyre u rritën me 30%.

Kjo ndodh pavarësisht se Reckitt – prodhuesi britanik i Durex – vazhdon të tregtojë në Rusi, pavarësisht se dënoi pushtimin e Ukrainës nga Vladimir Putin.

Bashkëpronarja e dyqanit të seksit Prezervativnaya, Yesenia Shamonina, tha: “Njerëzit po blejnë për të ardhmen, pavarësisht faktit që ne u detyruam të rrisnim çmimet”.

Dyqanet janë detyruar të rrisin çmimet për shkak të rënies së vlerës së rublës kundrejt monedhave kryesore perëndimore.

Një burim i industrisë tha se ndërsa lateksi vjen nga vende që nuk aplikojnë sanksione, ata duhet të blejnë në monedha perëndimore të cilat tani janë shumë më të shtrenjta.

Nxitimi për të blerë prezervativë ishte aq i madh, sa Ministria e Industrisë dhe Tregtisë në Rusi u detyrua të dalë me një njoftim se “nuk do të ketë probleme në të ardhmen”.

Rusia importon 600 milionë prezervativë në vit dhe prodhon 100 milionë./arbresh.info/