Putin dhe Merkel kanë diskutuar për çështjen e Sirisë dhe të Ukrainës përmes telefonit

Presidenti rus Vladimir Putin tërhoqi vëmendjen e kancelares gjermane Angela Merkel për papranueshmërinë e provokimeve dhe spekulimeve mbi temën e përdorimit të mundshëm të armëve kimike në Siri, transmeton arbersh.info.

Duke folur me telefon, udhëheqësit shkëmbyen pikëpamjet mbi situatën në Siri, duke përfshirë edhe akuzat nga një numër shtetesh perëndimore që akuzonin Damaskun për përdorimin e armëve kimike.

Putin theksoi rëndësinë e konsolidimit të përpjekjeve ndërkombëtare për të normalizuar gjendjen humanitare në Siri në përputhje me Rezolutën 2401 të Këshillit të Sigurimit të Kombeve të Bashkuara.

Putin dhe Merkel ranë dakord të vazhdojnë përpjekjet e përbashkëta në formatin e Katër Normandisë drejt zgjidhjes së krizës ukrainase.

Të dy liderët gjithashtu konfirmuan pozicionet e tyre në lidhje me projektin e gazsjellësit Nord Stream 2./Arbresh.info