Përfaqësuesi i BE-së për dialogun Kosovë-Serbi, Miroslav Lajçak ka takuar sot në Berlin këshilltarin e kancelarit gjerman Olaf Scholz, Jens Plotner, të caktuar për dialogun Kosovë-Serbi.

Lajçak përmes një postimi në Twitter ka thënë se me Plotner, ka diskutuar për vizitën e përbashkët që e zhvilluan në Ballkanin Perëndimor.

“Një takim shumë i mirë me Jens Plotner në Berlin, këshilltarin kryesor për diplomaci të kancelarit Scholz. Diskutuam për vizitën e fundit në Ballkanin Perëndimor, po ashtu edhe për zhvillimet aktuale dhe hapat e radhës për procesin e normalizimit”, ka njoftuar Lajçak.

Ai është shprehur falënderues, siç ka shkruar, për mbështetjen e fuqishme të Gjermanisë për punën e tij.

Jens Plotner, i caktuar nga Scholz dhe Emmanuel Bonne, i caktuar nga presidentit francez Emmanuel Macron, janë dy këshilltarët e rinj që janë ngarkuar me detyra që të merren me dialogun Kosovë-Serbi, krah Lajçakut./arbresh.info/

Very good meeting with Jens Plötner, Chief diplomatic adviser of ?? Chancellor Scholz, in Berlin. We spoke about our recent visit to the Western Balkans, as well as current developments and next steps in the normalisation process. Grateful for strong ?? support to my work. pic.twitter.com/DReQ8oBIh7

— Miroslav Lajčák (@MiroslavLajcak) September 29, 2022