Gjermania prej tre muajsh pa qeveri, dështojnë bisedimet

17:30 | 20 Nëntor 2017

Bisedimet për formimin e një qeverie koalicioni në Gjermani kanë rënë, duke lënë Angela Merkel të përballet me sfidën e saj më të madhe në 12 vjet si kancelare.

Liberalët e tregut të lirë FDP u tërhoqën pas katër javësh bisedime me bllokun CDU / CSU të zonjës Merkel dhe të Gjelbrit, transmeton portali arbresh.info

Kreu i FDP Christian Lindner tha se midis tyre nuk kishte “asnjë bazë besimi”.

Presidenti Frank-Walter Steinmeier tha se Gjermania po përballet me një situatë të pashembullt dhe se do të mbajë bisedime me të gjitha partitë.

Ai tha se kjo do të përfshinte partitë që nuk ishin përfshirë në bisedimet deri tani dhe u bëri thirrje politikanëve të punojnë së bashku dhe të bëjnë kompromise për “mirëqenien” e vendit.

Ai pranoi shqetësimin në rritje në vendet fqinje rreth situatës.

Më parë znj. Merkel tha se ajo u pendua për kolapsin.

Zëvendëskryetari i CDU-së Armin Laschet u tha gazetarëve se znj. Merkel kishte mbajtur një konferencë telefonike të hënën në mëngjes me udhëheqjen e partisë dhe kishte mbajtur mbështetjen e saj./arbresh.info/

Shpërndaje në rrjete sociale

Lajmet më të lexuara