Suedia nuk duhet të presë që Turqia ta mbështesë aplikimin e saj për anëtarësim në NATO, ka deklaruar presidenti turk Recep Tayipp Erdogan të hënën, disa ditë pasi një kopje e Kuranit u dogj në një protestë në Stokholm.

Suedia aplikoi për t’u bashkuar me NATO-n pasi Rusia pushtoi Ukrainën, por ka nevojë që Turqia, tashmë anëtare, ta miratojë kërkesën e saj, raporton BBC.

Protestuesit kurdë në Suedi varën një figurë të Erdoganit këtë muaj, veprim ky që pasoi me djegien e Kuranit.

“Suedia nuk duhet të presë mbështetje nga ne për NATO-n”, është shprehur Erdogani.

“Është e qartë se ata që shkaktuan një turp të tillë para ambasadës së vendit tonë nuk mund të presin më asnjë dashamirësi nga ne për aplikimin e tyre”, ka shtuar ai. /arbresh.info/