Zëvendëskryeministri i parë i Kosovës dhe njëherit ministri i Punëve të Jashtme, Behgjet Pacolli ka reaguar ndaj sjelljes së zëvendësministrit të Bujqësisë, Shukri Maxhuni duke e quajtur të pahijshëm.

Përmes një shkrimi në facebook ai thotë se një zyrat qeveritar nuk duhet të sillet në këtë mënyrë me pronën që është blerë nga taksat e qytetarëve.

Tutje Pacolli ka thënë se ka kërkuar nga kryeministri Ramush Haradinaj shkarkimin e Maxhunit nga detyra e tij.

“Unë kam kërkuar nga Kryeministri të shkarkojë Zëvendësministrin Maxhuni nga detyra e tij”, ka shkruar Pacolli, përcjell arbresh.info.

Postimi i tij i plotë:

I pahijshem akti i Zëvendës Ministrit të Bujqësisë zotni Maxhunit me sjelljen e tij në një veturë zyrtare.
Kjo nuk është mënyra se si një zyrtar qeveritar sillet me pronën që është blerë nga taksat e qytetarëve tanë.
Pavarësisht kush është , është një akt i papranushem që nuk pasqyron vizionin tonë për zhvillim dhe shërbime më të mira për qytetarët tanë.
Kjo nuk është mënyra se si duhet të trajtohet prona publike dhe ne e dënojmë aktin dhe të parandalojmë rastet e tilla.
Unë kam kërkuar nga Kryeministri të shkarkojë Zëvendësministrin Maxhuni nga detyra e tij.
AKR dhe unë nuk do të tolerojmë dhe nuk pranojmë akte të tilla nga zyrtaret tanë.
Zyrtarët publik duhet t’u shërbejnë qytetareve tanë dhe të mos abuzojnë me pozitat e tyre në një mënyrë të tillë./arbresh.info