Avokati i Popullit ditë më parë ka nxjerrë Opinionin në lidhje me parandalimin e nepotizmit në Universitetin e Prishtinës, me ç’rast rekomandohej ky i fundit që të vë në jetë legjislacionin e brendshëm dhe praktikat më të mira të parandalimit të nepotizmit.

Edona Hajrullahu zëvendës e Avokatit të Popullit, tha se kanë pasur bazë që kanë filluar punën që të hetohet problemi për parandalimin e nepotizmit.

“Nepotizmi duhet të luftohet në të gjitha instancat dhe të gjitha nivelet. Ne kemi qëllim që të i tregojmë universitetit që në kemi idenë që të luftojmë nepotizmin”, tha ajo sot në emisionin e mëngjesit “Mirëmëngjesi Kosovë”, në Radio Televizionin e Kosovës (RTK).

Sipas saj me opinion për Universitetin e Prishtinës, kanë qëllim që të mos diskriminohen qytetarët. “Ne kemi marrë shembuj dy universitete, të Havardit dhe Kembrixhit”, tha ajo.

Hajrullahu bëri me dije se Universitetin i Prishtinës, ka shprehur gatishmëri që të bëj ndërrim në atë pikë.