Një pastor ungjillor i cili dikur thoshte se hebrenjtë do të shkojnë në ferr dhe një koleg i tij që kishte thënë se Hitleri ishte pjesë e planit të Zotit për të kthyer hebrenjtë në Izrael, kanë luajtur një rol mjaft të madh në ceremoninë e hapjes së ambasadës amerikane në Jerusalem.

Robert Jeffress, i cili foli  në lutjen e inaugurimit të Trumpit, gjithashtu kreu lutjen në ceremoninë hapëse dhe dha bekimin mbyllës, transmeton portali arbresh.info.

Përkundër komenteve të tyre për popullin hebre, dy pastorët janë në mesin e zërave pro-Izrael në botën evangjelistë. Disa evangjelistë besojnë se politika e jashtme amerikane duhet të mbështesë Izraelin për të ndihmuar përmbushjen e profecive biblike për ardhjen e dytë të Krishtit.

Vendimi i z. Trump për të lëvizur ambasadën nga Tel Avivi përmbushi një premtim të madh fushate dhe dha një fitore për amerikanët pro-izraelitë të linjës së ashpër, si dhe të krishterëve konservatorë dhe ungjillorë, të cilët për një kohë të gjatë kanë dashur që shtëpia diplomatike e Shteteve të Bashkuara të jetë në Jerusalem.

Por kritikët thonë se masa, e cila u shkëput nga gati shtatë dekada të politikës së Shteteve të Bashkuara, mund të rrezikonte negociatat e paqes midis izraelitëve dhe palestinezëve, të cilët të dy pretendojnë Jerusalemin si kryeqytetin e tyre.

Protestat masive shpërtheu përgjatë rrethimit kufitar me Gazën në orët përpara hapjes së ambasadës të hënën dhe ushtarët izraelitë qëlluan dhe vranë më shumë se 50 palestinezë, njoftoi Ministria e Shëndetësisë./Arbresh.info/