Një burrë nga India Jugore që është aksionar i një kompanie të madhe ka shpjeguar se si ia doli të fuqizonte emrin e tij kur kishte vetëm 600 paund në llogari.

Rupesh Thomas u zhvendos në Angli dhe filloi të merrej me prodhimin e cajti ‘chai’, ndërsa tani zotëron një biznes prej 2 milionë paundësh.

Ai furnizon zinxhirin e dyqaneve prestigjoze Harvey Nichols dhe thotë se është i fiksuar me cdo gjë në Angli duke përfshirë motin e ftohtë, gjuhën, historinë dhe njerëzit.

39-vjecari është rritur në jug të Indisë por kishte qëllim të zbulonte nëse rrugët e Londrës ishin të mbuluara me florid he përfundoi duke punuar kamarier në ‘McDonalds’.

Metro ka zbuluar se babai i tij ka qenë inspirim për të dhe e ka frymëzojë të udhëtojë drejt Londrës.

“Babai im bënte udhëtime me punën. Ai kishte një pikturë të Londrës që e shihja shpesh dhe doja shumë të shkoja atje. Ëndërroja një jetë më të mirë dhe për mua ajo jetë ishte në Angli”, tha Rupesh.

Kështu në moshën 23-vjecare, vendosi të shiste motocikletën për 600 paund dhe shkoi në Stratfort të Londrës për të punuar.

“Paguhesha 4 paund në orë. Ishte punë e vështirë, por gjithmonë buzëqeshja. Shihja biznesmenë dhe më bëri të kuptoja që kjo ishte ajo që unë në të vërtetë doja të bëja,” u shpreh ai.

Vetëm pas disa javësh, ai gjeti punë të dytë si kujdestar dhe më pas u bë agjent shitjes. Në ditët e sotme zotëron një shtëpi që kushton 350 mijë paund në Croydon dhe biznesi i tij i çajit ‘Tuk Tuk Chai’ ka arritur në 2 milionë paund. Rupesh shtoi se po mendon mundësinë për të gjetur investitorë të huaj për të zgjeruar biznesin.