Edon Zhegrova shkëlqeu mbrëmjen e sotme (e shtunë) në ndeshjen e tij debutuese për Kosovën.

Talenti i ri në sulm i kombëtares sonë realizoi golin e fitores në ndeshjen miqësore të zhvilluar në Paris kundër Madagaskarit, shkruan portali arbresh.info.

Zhegrova, i njohur ndryshe edhe si “Messi i Kosovës”, realizoi nga një distancë prej 20 metrave për 1 me 0 në minutën e 46′ të ndeshjes e tij debutuese të zhvilluar nën udhëheqjen e trajnerit zviceran Bernard Challandes, i cili gjithashtu bëri paraqitjen e parë.

I pyetur rreth asaj që pret për ndeshjen e ardhshme të Kosovës kundër Burkina Fasos, 18-vjeçari u zotua se si skuadër do të japin maksimumin.

“Edhe atë dëshirojmë ta fitojmë”, ka thënë fillimisht Zhegrova.

“Mendoj që me djelmoshat do të bëhemi gati për lojën e ardhshme, të rrimë me këmbë në tokë dhe po ashtu në ndeshjen e ardhshme të kemi fitore dhe të japm maksimumin”

Fitorja ndaj Madagaskarit ishte e dyta radhazi për “Dardanët” të cilët do të zhvillojnë të martën ndeshjen kundër Burkina Fasos./arbresh.info/

Goli nga Edon Zhegrova kundër Madagaskarit:

http://www.dailymotion.com/video/x6gsxw5