Drejtori i Antiterrorizmit në Policinë e Kosovës Fatos Makolli gjatë një debati televiziv ku diskutohej për terrorizmin dhe ndikimin e agjendave të shteteve të huaja në Kosovë ka thënë se të arrestuarit në Badovc ishin në fazën fillestare për përgatitjen e sulmit terrorist.

“Ne kemi pasur informacione kredibile, sipas të cilave janë duke bërë një përgatitje për këtë veprim. Përgatitja e sulmit nga të arrestuarit ishte në fazën e përgatitjes. Pra, me veprimin e policisë është ndalur ky sulm. Jeni edhe të informuar për procesin e më tejm. Gjerat që janë gjetur aty tashmë edhe janë të konfirmuara se i përkasin këtij grupi”, ka thënë Makolli në “Rubikon” të KTV’së.

Ai ka treguar se për këta persona ka pasur informata edhe të më hershme Policia e Kosovës.

” Kemi të bëjmë më disa persona që kane qenë të njohur. Polica ka pasur informacione për këta persona”, tha Makolli.

Në debat u konfirmua se organizatat fetare që vepruan pas luftës në Kosovë rritën radikalizmin pasi atakuan të rinjtë ndërsa si shtete që bën këtë ishin Arabia Saudite, Turqia dhe Irani.