31-vjeçari (98 seleksione), i cili shkoi në Turqi të dielën për tu angazhuar me klubin turk, nënshkroi kontratën në mjediset e stadiumit Sukru Saracoglu, ku ai u prit nga mijëra tifozë.

“Unë tashme bej pjesë në familjen e Fenerbahçe (…) Unë do të bej gjithçka që të fitoj trofe me Fenerbahçe dhe ju do te jeni të kënaqur”, u shpreh sulmuesi ne anglisht. “Tesekkürler (faleminderit) Fenerbahçe”, theksoi ai.

Nënkampioni i botës më 2010 ka luajtur nga sezoni 2012-2013 me Manchester United, ku ka shënuar 58 gola në 105 ndeshje, duke fituar Premier League në 2013.

Ai ka luajtur edhe me fanellën e klubit londinez te Arsenalit për tete vjet.

Fenerbahce, që zuri vendin e dytë në sezonin e kaluar pas rivaleve te Galatasarayt, ka ndërmarrë një fushatë të fuqishme rekrutimesh për sezonin e ardhshëm, duke përfshirë edhe portugezin Nani, po nga Manchester United dhe mbrojtësin qendror danez te Lille, Simon Kjaer.