“Giallorossët” kanë siguruar tri pikë të plota në ndeshjen në Sadio Olimpico ndaj Spalit.

AS Roma ka siguruar fitore me rezultat 3 me 1 ndaj skuadrës së Leonardo Semplicit, e cila mbeti me vetëm dhjetë lojtarë në fushë që nga minuta e 11′ e ndeshjes, shkruan portali arbresh.info.

Gjyqtari Rosario Abisso ndëshkoi fillimisht me karton të verdhë mbrojtësin Felippe, i cili bëri një ndërhyrje të palejuar ndaj Edin Dzekos, para se ta dërgonte atë jashtë fushe direkt me karton të kuq pas shqyrtimit të rastit përmes teknologjisë VAR.

Hapësira e krijuar në mungesë të tij u shfrytëzua mirë nga nikoqirët ende pa kaluar mirë dhjetë minuta lojë. Edin Dzeko realizoi gol të bukur për 1 me 0 (19′) pas një asistimit të bukur El Shaarawy. Ky i fundit asistoi edhe në golin e realizuar në minutën e 32′ nga Kevin Strootman. Skuadra e Eusebio Di Francescos thelloi edhe më tej epërsinë në pjesën e dytë duke shënuar për 3 me 0 përmes Lorenzo Pellegrinit.

Pas 15 xhirove, reprezentuesi i Italisë shënoi golin e parë të këtij edicioni me kokë në minutën e 53′. Futbollisti serb Aleksander Kolarov ishte asistues i golit nga 21-vjeçari.

Por, mysafirët arritën ta ngushtojnë disavantazhin vetëm disa minuta më vonë. Mesfushori qendror Federicio Viviani dështoi me goditjen nga pika e bardhë në minutën e 55′, por kur topi iu rikthye, 25-vjeçari u tregua i pamëshirshëm ndaj Alisson Ramses Beckerit.

Roma tani ka 34 pikë në pozitën e katërt në tabelës e Serie A, ndërsa Spali qëndron në zonën e dëbimit me vetëm dhjetë pikë./arbresh.info/

Formacionet e ndeshjes:

AS Roma: Alisson; Florenzi, Manolas, Juan Jesus, Kolarov; Pellegrini, Gonalons, Strootman; Cengiz Under, Dzeko, El Shaarawy.
Spal: Gomis; Cremonesi, Vicari, Felipe; Lazzari, Schiattarella, Grassi, Viviani, Mattiello; Paloschi, Borriello.

Shikoni golat:

https://streamable.com/a88vs

https://streamable.com/6p0vv

https://streamable.com/wc5nc