Robert Mugabe do të vazhdojë të ketë një rol për të luajtur në politikën e Zimbabvesë, ka deklaruar prifti jezuit, i cili ndihmoi në negociimin e dorëheqjes së tij.

Prifti Fidelis Mukonori tha se do të ofronte “këshilla” si një burrë shteti, përfshirë edhe për presidentin e ri, transmeton portali arbresh.info

Mugabe, 93 vjeç, dha dorëheqjen të martën pas një ndërhyrjeje ushtarake dhe ditëve të protestave masive.

Mukonori tha se nuk mund të konfirmonte raportet se ish-udhëheqësit i janë ofruar 10 milionë dollarë për t’u larguar nga detyra.

Emmerson Mnangagwa u betua për të zëvendësuar Mugaben si president.

Ati Mukonori, që është i lidhur ngushtë me Robert Mugabe dhe pati rol të rëndësishëm në negociatat mes tij dhe ushtrisë, tha se ai do të kryente shumë punë si këshilltar politik.

Ai ka shtuar se Mugabe dhe gruaja e tij Grace vazhdojnë të qëndrojnë në shtëpinë e tyre ne Harare dhe nuk e kanë në plan që të largohen nga vendi. /arbresh.info/