Greqia pranon paketën e kreditorëve

20:16 | 9 Korrik 2015
M. A.

Greqia ka pranuar paketën e kreditorëve, një zhvillim i cili do të sillte një marrëveshje, dhe do ta nxjerrte nga kriza aktuale këtë shtet.

Në një mbledhje të jashtëzakonshme Qeveria greke ka aprovuar pakon e ndihmës së kreditorëve, e cila do të sillte një marrëveshje në mënyrë që ta shpëtojë shtetin e Greqisë nga kriza që po mbizotëron, raporton theguardian.

Një deputet i partisë në pushtet “Syriza” ka thënë se grupi parlamentar i partisë së majtë radikale ka kërkuar që deputetët të jenë “në pritje dhe të gatshëm”që potencialisht të votojnë këtë pako nesër në mëngjes.

“Neve të gjithëve na është kërkuar që të jemi këtu. Ndoshta nesër do të na duhet të votojmë”, ka thënë një deputet i partisë Syriza.

Ndërkaq Ministri i Mbrojtjes së Greqisë, i cili prin edhe Partinë Greke të Pavarur, një partnerë në koalicionin qeverisës ka thënë se shumë shpejtë edhe propozimi i Greqisë do të procedohet.