Platforma për barazi gjinore do të kërkojë nga Qeveria ndryshime në ligjin aktual me të cilin rregullohet çështja e abortit, me ndihmë të ekspertëve nga Organizata botërore e shëndetësisë dhe me pjesëmarrje të shoqatave qytetare, ndërsa nga Ministria e shëndetësisë tërheqjen e Rregullores për përmbajtjen dhe mënyrën e këshillimit të gruas shtatzënë para ndërprerjes së shtatzënësisë.

Nga Platforma kërkojnë që deri në sjelljen e një rregullore të re të bazuar në Ligj të ri për ndërprerjen e shtatzënësisë të përdoren mënyrat e abortit të sigurt dhe legal të Organizatës botërore të shëndetësisë.

Këto kërkesa, siç njoftojnë nga Platforma për barazi gjinore, janë diskutuar në debatin e sotëm profesional “Aborti nuk është i sigurt nëse është maraton me pengesa”, të mbajtur me rastin e 28 shtatorit-Ditës ndërkombëtare e aksionit për qasje në abort të sigurt dhe legal.

“Mbi 30 përfaqësues të sektorit civil, ekspertë dhe institucionet përkatëse, ndër të cilat edhe këshilltari për shëndetësi i Kryeministrit të Republikës së Maqedonisë, Venko Filipçe dhe zëvendës ministri i shëndetësisë, Goce Çakarovski u pajtuan rreth nevojës së domosdoshme për përmirës të ligjit retrograd dhe i përkrahën kërkesat”, thuhet në kumtesën e Platformës për barazi gjinore./Telegrafi/