Vetëm 302 studentë, nga 12 mijë sa janë regjistruar në UP sivjet, frekuentojnë Bibliotekën

19:43 | 27 Qershor 2015
M. A.

12 mijë studentë të rinj i shtohen Universitetit të Prishtinës çdo vit, ndërsa vetëm 12 euro në vit kushton regjistrimi për lexuesit në Bibliotekën Kombëtare. Pavarësisht kësaj, sallat e leximit prapë nuk mbushen plot.

Vetëm 302 studentë janë pajisur me kartela regjistrimi në këtë 5-mujor. Sipas zyrtarëve të Bibliotekës, vite më parë, radha e studentëve që prisnin për një vend të lirë ishte e gjatë, raporton KTV.

Por, vështirësi po hasin në pasurimin e Bibliotekës me ekzemplarë të rinj. Por, ka të tillë që edhe i gjejnë titujt që u interesojnë, transmeton Koha.net.

Sipas udhëheqëses së Departamentit për Informim të Bibliotekës kombëtare, Zize Kraja, pavarësisht regjistrimeve të vogla, niveli i leximit është rritur. Kjo bazohet në faktin se shumë studentë hyjnë në bibliotekë pa pasur fare kartelën e regjistrimit.