Shefi i Grupit Parlamentar të Vetëvendosjes, Glauk Konjufca, në një konferencë për media ka thënë se mos votimi i Gjykatës Speciale është lajm i mirë për Kosovën, kjo ngase një Gjykatë e tillë sipas tij do të paraqiste një shkelje të rëndë të sovranitetit të Kosovës.

Konjufca ka shpjeguar se çka përmbante projektligji për amandamentimin e Speciales, ku ndër tjerash sipas tij është thënë se dokumentet e Gjykatës Speciale nuk janë dokumente të Kosovës. Kjo sipas Konjufcës do të thotë se asnjë institucion i Kosovës nuk do të ketë qasje në arkivin e kësaj gjykate.

“Problem tjetër është se si deputet i Kosovës nuk ke të drejtë të japësh asnjë propozim për ndryshim në projektligj, karakteri etnik ka qenë problemi tjetër që deputetët e refuzuan votimin e kësaj gjykate”, ka thënë Shefi i Grupit Parlamentar të VV-së, Glauk Konjufca,

Me pas Konjufca ka thënë se pas mos votimit te djeshëm në Kuvendin e Kosovës, është qartësuar alternativa e ardhshme se çka duhet të bëjë Qeveria e Kosovës.

“Janë dy leksione, e para është deputetët kanë refuzuar një gjykatë etnike sepse duan trajtimin e gjitha krimeve në Kosovë, nuk ka gjykatë vetëm për UÇK-në, ose të nderojmë një gjykatë universale për çdo krim qe ka ndodhë në Kosovë prej fillimit të luftës deri në përfundimin e luftës dhe leksioni i dytë që duhet te nxjerrë qeveria është jo një sistem paralel dhe i huaj brenda sistemit tonë gjyqësor po të krijohet një gjykatë speciale e cila nuk e prek sovranitetin e shtetit”, deklaroi Konjufca.

Kështu, sipas tij kjo është ajo çka duan deputete e Kuvendit dhe këto ishin arsyet përse u votua kundër Gjykatës Speciale.

Konjufca gjithashtu i komentoi edhe deklaratat e djeshme të Thaçit, se do të kthehet në kuvend përsëri votimi, sipas Konjufcës kjo është kulmi i demokracisë dhe kjo i bije qe deputetët duhet të votojnë si të thotë qeveria ose nuk ka zgjidhje tjetër./arbresh.info/