Gabimi i drejtësisë ndërkombëtare ia la një nofkë për tërë jetën Agim Murtezit. Miqtë e quajnë “Agim Haga”.

Murtezin nga Lipjani KFOR-i e pati arrestuar gabimisht në vitin 2003, në bazë të një aktakuze të Tribunalit të Hagës.

Bile thotë se dy vjet autoblindë të misionit të NATO-s në Kosovë i kishte qëndruar para banesës, por atij nuk I kishte shkuar mendja se po e vëzhgonin atë, njofton Klan Kosova.

Mirëpo, më 17 shkurt rreth orës 3 të mëngjesit nisi operacionin për arrestimin e tij.

Por, ky Agim nuk ishte ai që Haga e kishte kërkuar.

Agim Murtezi u arrestua gabimisht, në vend të Agim Zogajt.

Këtë gabim ky institucion ndërkombëtar e kuptoi tek në seancën e parë dëgjimore.

Pas kthimit në Kosovë, Murtezi u ankua dhe me ndihmën e avokatit të popullit, mori dëmshpërblim 10 mijë euro. /Klan Kosova/