Përfaqësuesja e Kosovës në hendboll, është kualifikuar në gjysmëfinalen e Botërorit për vendet në zhvillim, që po zhvillohet në Kosovë, pasi që sonte në kryeqytet mposhti Estoninë, me rezultat 31-30, në sfidën e çerekfinales.

Hendbollistët e Kosovës kanë zhvilluar një ndeshje mjaft të mirë kundër estonezëve, të cilët nuk u dorëzuan deri në fund të ndeshjes.

Estonia më mirë e ka nisur lojën në përballje me përfaqësuen tonë, mirëpo, të përzgjedhurit e Taip Kabashit në finish të pjesës së parë e morën dominimin në fushë, duke e shkrirë epërsinë e mysafirëve dhe në pushim shkuan më tri gola (17-14), transmeton kp.

Lojë mjaft e fortë është luajtur në pjesën e dytë nga të dy skuadrat, por skuadra jonë vazhdimisht ishte në epërsi. Finishi i kësaj ndeshje ka qenë mjaft dramatike, sepse në tre minutat e fundit të kësaj super sfidë, epërsia e përfaqësues sonë ishte në vetëm një gol. Hendbollistët tonë më angazhim maksimal ia dolën që në fund t’i gëzohen fitores së madhe kundër Estonisë, me rezultat përfundimtar 31-30.

Shënuesi më i mirë për Kosovën ishte Krasniqi më 10 gola, ndërsa p unë të madhe kreu edhe portieri Curri, i cili bëri disa pritje fenomenale.