Shoferi i deputetes së PD-së i sulet me fyerje, Selami tregon çfarë ndodhi

22:00 | 28 Qershor 2017
Arbresh.info

Kandidati për kryetar i Partisë Demokratike, Eduard Selami është përfshirë në një incident ditën e sotme në ambientet e brendshme të selisë blu.

Shoferi i deputetes Mimoza Hajdarmataj, Alfred Dollapi i është drejtuar me një gjuhë të ashpër Selamit, pak minuta pas konferencës për shtyp duke e kërcënuar atë.

“Çfarë pune ke ti këtu, ça do këtu? Nuk të lë as të hysh në selinë e PD, pasi nuk ke çfarë kërkon këtu?”, i është drejtuar shoferi i deputetes kandidatit për kryetar partie Eduard Selami.

Selami ka ruajtur qetësinë nga e gjithë kjo situatë, dhe debati duket të ketë mbaruar aty.

Duke folur per “Panoramën”, sfidanti i Bashës ka treguar gjithçka sa ndodhur.

“Pati një incident te pakëndshëm sot në Selinë e Partisë Demokratike qe unë me vone e mësova se kush ishte. Megjithatë unë do shoh përpara dhe e rëndësishme është gara ne PD”, tha Selami./shekulli