Kemajli drejt famës
Aktori i famshëm turk, Burak Ozcevit, te ne njihet për interpretimin e rolit të Kemajlit në serialin “Kara Sevda”, i cili transmetohet në RTV21.

Ai konsiderohet si një ndër aktorët më të mirë të kinematografisë turke, mirëpo për të arritur gjithë këtë sukses ai prapa tij e ka pasur gjithmonë babanë i cili ka pasur shumë besim te ai.

Ceyhan Ozcivit ka qenë i bindur se djali i tij ka lindur për tu bërë yll dhe kështu ka filluar që ta shtyjë atë drejt konkurseve të ndryshme të bukurisë, duke mos u dorëzuar derisa Burak Ozcivit është shpallur “Modeli më i mirë” në vitin 2005, dhe më vonë u rendit i dyti si “Modeli më i mirë në botë”.

Këto kanë qenë hapat e parë të tij, derisa ai është bërë pjesë e botës së kinemasë turke duke fituar role të ndryshme në filma dhe seriale.

Ndryshe Kemajli kohëve të fundit është duke u përgatitur për martesën me aktoren e bukur turke Fahriye Evcen.