Gjatë javës që lamë pas Kei, një nga banoret homoseksuale në Big Brother është shprehur rreth vështirësive dhe përbuzjes që ka patur nga shoqëria për shkak të prirjeve të saj seksuale.

Ajo është pyetur nga Arbana gjatë mbrëmjes së sotme se kur e ka kuptuar pritjen e saj për herë të parë. “E kam kuptuar në moshën 9 vjeç dhe më pas në moshën 12-vjeçare isha plotësisht e vetëdijshme. I kam thënë tezes time  për herë të par, e cila më ka mbështetur, kam qenë ndër fëmijët e parë në familjen e mamasë time dhe më kanë dashur shumë dhe se kam ndjerë asnjëherë ndryshimin në familje por në shoqëri,”-është shprehur Kei.

Ajo ka treguar edhe për herën e parë kur ka rënë në dashuri. “Kam rënë në dashuri për herë të parë në moshën 23 vjeçare, ka qenë gjëja më e bukur që mund të provojë një njeri, nuk ka si dashuria aty kam kuptuar çdo të thotë të jetosh dhe të jesh vetja më është dukur jeta privilegj,”-ka theksuar Kei.

Gjithashtu ajo e ka patur të pamundur të mos thotë se e ka ndjerë dhimbjen e nënës së saj të shkaktuar nga paragjykimi i shoqërisë për të.” “Ndjej më shumë dhimbjen e mamasë time,”-përfundon Kei. Banorja ka thënë se dëshira e saj më e madhe në jetë është të bëhet nënë.