Jim Tavare, i cili luajti në filmin ” I burgosur i Azkabanit”, ka pësuar një aksident të tmerrshëm me automobil, pas të cilës u shtrua menjëherë në spital.

Bashkëshortja e aktorit Laura ka publikuar edhe një fotografi në llogarinë personale në Facebook teksa shihet se në çfarë gjendje është aktori.

Jim mësohet të ketë thyer qafën dhe të ketë shpuar mushkërinë ndërsa është në kujdesin intensiv, transmeton Telegrafi.

“ Jim ka të thyera 15 brinjë, dy klavikula, mushkëritë e shpuara, qafën të thyer dhe fraktura të shumta në këmbë”, ka thënë gruaja e aktorit për Daily Mail.

Jim është një prej komedianëve më të njohur britanik, i cili prej vitesh është përpjekur të bëhet pjesë e Hollywoodit ndërsa u bë edhe më i famshëm me paraqitjen në serinë filmike te Harry Potter.

Kohët e fundit ai ka luajtur me David Duchovny në filmin “Californication”.