Një grua e re e një pjese të izoluar të Nikaraguas ka vdekur një javë pasi që ishte lidhur dhe hedhur në zjarr si pjesë e një rituali të ekzorcizmit.

Anëtarët e familjes thanë për mediat lokale se Vilma Trujillo ishte sulmuar nga katër burra të udhëhequr nga njëri i cili thoshte se ishte pastor evangjelist, transmeton arbresh.info.

Juan Rocha e mohoi se kishte djegur viktimën, duke thënë se shpirtrat djallëzor e kishin ngritur atë mbi zjarr dhe pastaj e kishin lëshuar brenda.

Të afërmit e kishin gjetur Vilman disa orë më vonë me djegie të rënda.

Policia ka arrestuar Juan Rochan dhe disa njerëz të tjerë që thuhet se janë të përfshirë në sulm.

Bashkëshorti i viktimës tha se gruaja e tij, nënë e dy fëmijëve, ishte marrë nga kisha javën e kaluar sepse anëtarët e kishës thanë se ishte pushtuar nga djalli sepse kishte tentuar të sulmonte njerëzit me hanxhar.

“Është e pafalshme kjo që na kanë bërë. E vranë gruan time, nënën e dy fëmijëve të vegjël, çfarë do t’u them unë atyre tash?”, tha bashkëshorti i viktimës.

Ndërsa Komisioni i të Drejtave të Njeriut ka kërkuar nga qeveria të kontrollohen sektet religjioze në shtet./Arbresh.info