Një grua e martuar me një burrë britanik për 27 vjet të tëra është detyruar të kthehet në Singapor.

Irene Clennell ishte duke u mbajtur në qendrën e paraburgimit ne Skoci, por BBC ka njoftuar se tashmë është autoritetet e kanë kthyer në shtetin e origjinës pa paralajmërim, transmeton arbresh.info.

Ajo kishte jetuar me burrin e saj afër Durhamit, dhe ka dy djem britanik madje e ka edhe një mbesë në Mbretërinë e Bashkuar.

Periudhat e kohës gjatë të cilave ajo kishte jetuar në shtetin e origjinës, kohë kjo gjatë të cilës ajo ishte përkujdesur për prindërit, ishin shkaktar i dëbimit të saj.

Clennell tha se ajo nuk ishte lejuar të kontaktonte me avokatin e saj madje as të kërkonte rroba nga shtëpia, ndërsa në qendrën e ndalimit ishte mbajtur që nga fillimi i shkurtit.

Një zyrtar i Zyrës së Punëve të Brendshme tha:” Ne presim nga çdo person të cilit nuk i është lejuar qëndrimi të dëbohet për në vendin e origjinës”, duke shtuar se të gjitha aplikimet për leje qëndrimi në Britani të Madhe janë konsideruar për meritat e tyre individuale dhe në përputhje me rregullat e emigracionit./Arbresh.info