Xhaka shkëlqeu në disfatën e thellë ndaj Bayernit

08:27 | 16 Shkurt 2017
Arbresh Info

Granit Xhaka ishte njëri nga lojtarët më të mirë të “Topçinjve” në disfatën e thellë të pësuar në “Allianz Arena” në kuadër të kompeticionit më të madh evropian.

Arsenali është mposhtur me rezultat të thellë 5 me 1 në takimin e xhiros së 1/8-së në Ligë të Kampionëve nga Bayern Munichu i Carlo Ancelottit, shkruan portali arbresh.info.

Mesfushori shqiptar, i cili u vlerësua me notën 6.1 për paraqitjen ndaj kampionit gjerman, ishte lojtari që bëri më së shumti pasime për skuadrën e trajnerit Arsene Wenger gjatë pjesës së parë të ndeshjes në stadiumin “Allianz Arena”.

24-vjeçari nga Prishtina arriti të bëjë gjithsej 8 pasime të suksesshme në takimin tronditës kundër Bayer Munichut, që dominoi gjatë gjithë ndeshjes.

Në krahasim me liderin në Bundesliga, Xabi Alonso ishte lojtari që bëri më së shumti pasime, 55 gjithsej./arbresh.info