Ngjarje e rëndë në Ankara: Babai merr peng vajzën 3-vjeçare, policia e shpëton

16:42 | 6 Qershor 2026
E H

Një incident tronditës ka ndodhur në Ankara, në lagjen Etimesgut, ku një burrë dyshohet se ka marrë peng vajzën e tij 3-vjeçare pas një konflikti me bashkëshorten.

Sipas mediave turke, ai e ka kërcënuar fëmijën me thikë dhe e ka nxjerrë në dritaren e një apartamenti, duke shkaktuar panik te banorët e zonës.

Autoritetet u njoftuan menjëherë dhe forcat speciale të policisë ndërhynë me shpejtësi, duke arritur të shpëtojnë vajzën pa lëndime.

Ngjarja ka shkaktuar reagime të forta dhe hetimet për rrethanat e saj janë duke vazhduar.