Kryeministri britanik, Keir Starmer, ka paralajmëruar se Rusia mund të jetë në gjendje të ndërmarrë një sulm ndaj NATO-s deri në vitin 2030, duke theksuar nevojën për forcim të kapaciteteve mbrojtëse të aleancës.

Gjatë një vizite në një kompani të industrisë së mbrojtjes, Starmer tha se vlerësimet e inteligjencës britanike dhe të vendeve të tjera anëtare të NATO sugjerojnë mundësinë e një përballjeje të drejtpërdrejtë ushtarake me Moskën në vitet e ardhshme.

“Sipas vlerësimeve tona të inteligjencës dhe të aleatëve në NATO, ekziston mundësia që Rusia të ndërmarrë një sulm ndaj aleancës deri në vitin 2030”, u shpreh ai.

Kryeministri britanik theksoi gjithashtu se situata globale e sigurisë po bëhet gjithnjë e më e paqëndrueshme, duke e cilësuar periudhën aktuale si një nga më të rrezikshmet në dekadat e fundit.

“Nuk është ekzagjerim të thuhet se po jetojmë në kohën më të rrezikshme dhe më të pasigurt të jetës sonë”, shtoi Starmer, duke nënvizuar se qeveria britanike ka përgjegjësinë të sigurojë gatishmërinë e vendit për çdo skenar të mundshëm./euronews