Ministri në detyrë i Punëve të Jashtme dhe Diasporës, Glauk Konjufca, ka dënuar sulmet e Iranit ndaj Kuvajtit dhe Bahreinit.

Në një reagim të publikuar në rrjetin social X, Konjufca tha se këto sulme ndaj shteteve sovrane rrezikojnë sigurinë rajonale dhe minojnë përpjekjet për uljen e tensioneve dhe ruajtjen e stabilitetit në Gjirin Persik.

“Republika e Kosovës dënon fuqimisht sulmet e Iranit kundër Kuvajtit dhe Bahreinit. Këto sulme kundër shteteve sovrane kërcënojnë më tej sigurinë rajonale dhe minojnë përpjekjet e vazhdueshme drejt uljes së tensioneve dhe stabilitetit në Gjirin Persik”, shkroi ai.

Konjufca shtoi se Kosovo qëndron në solidaritet të plotë me Bahrain dhe Kuwait, si dhe me shtetet partnere në Gjirin Persik, në mbështetje të paqes, sigurisë, lirisë së lundrimit dhe respektimit të së drejtës ndërkombëtare./Arbresh.info

The Republic of Kosova strongly condemns Iran’s attacks against Kuwait and Bahrain. These attacks against sovereign states further threaten regional security and undermine ongoing efforts toward de-escalation and stability in the Gulf.

🇽🇰 stands in full solidarity with 🇧🇭🇰🇼 and…

— Glauk Konjufca (@KonjufcaGlauk) June 3, 2026