Mesfushori spanjoll Rodri vazhdon të mbetet një nga objektivat kryesorë të Real Madrid për afatin kalimtar veror.

Sipas raportimeve të mediumit spanjoll Cadena SER, klubi madrilen po e monitoron nga afër situatën e yllit të Manchester City dhe nuk përjashtohet mundësia që të bëjë lëvizje konkrete gjatë kësaj vere.

Një faktor që mund ta lehtësojë transferimin e Rodrit në “Santiago Bernabéu” është edhe e ardhmja e trajnerit Pep Guardiola.

Largimi i Pep Guardiolës rrit gjasat për një transferim të mesfushorit spanjoll te Real Madridi.

Rodri konsiderohet si një nga mesfushorët më të mirë në botë dhe profili i tij vlerësohet shumë nga drejtuesit e klubit madrilen, të cilët po synojnë ta forcojnë mesfushën për sezonet e ardhshme.

Ai ka një kontratë që e mban të lidhur me klubin aktual deri në qershor të vitit të ardhshëm.

Rodri iu bashkua Man Cityt në verën e vitit 2019./Arbresh.info