Një person është arrestuar në Prishtinë pasi dyshohet se ka tentuar të sulmojë një qytetar me kaçavidë.

Sipas Policisë, rasti ka ndodhur në rrugën B, ku i dyshuari ka tentuar të kryejë sulmin, ndërsa gjatë ndërhyrjes së policisë ka shfaqur rezistencë aktive.

Gjatë përpjekjes për ta vënë nën kontroll, ai ka sulmuar fizikisht njërin nga zyrtarët policorë, duke i shkaktuar lëndime trupore. Polici i lënduar ka pranuar tretman mjekësor.

‘Rr. B, Prishtinë 07.04.2026 – 13:01. Është arrestuar i dyshuari mashkull kosovar, për shkak se ka tentuar ta sulmojë një person me kaçavidë. I dyshuari ka shfaqur rezistencë aktive ndaj zyrtarëve policorë dhe gjatë intervenimit për ta vendosur nën kontroll ka sulmuar fizikisht njërin nga zyrtarët policor të cilit i ka shkaktuar lëndime trupore. Viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje”, thuhet në raport./Arbresh.info