Irani është gati të shqyrtojë kompromiset për të arritur një marrëveshje bërthamore me SHBA-në nëse amerikanët janë të gatshëm të diskutojnë heqjen e sanksioneve, Majid Takht-Ravanchi, zëvendësministri i jashtëm i Iranit për BBC-në.

Zyrtarët amerikanë kanë theksuar vazhdimisht se Irani, jo SHBA-ja, po pengon përparimin në këtë proces të zgjatur negociues.

Të shtunën, Sekretari i Shtetit i SHBA-së, Marco Rubio, tha se Presidenti Donald Trump preferonte një marrëveshje, por ishte “shumë e vështirë të bëhej” një e tillë me Iranin.
Por Ravanchi, tha se topi ishte “në fushën e Amerikës për të provuar se ata duan të bëjnë një marrëveshje”, duke shtuar: “Nëse ata janë të sinqertë, jam i sigurt se do të jemi në rrugën e duhur për një marrëveshje”.

Trump ka kërcënuar me sulme kundër Iranit nëse nuk mund të arrihet një marrëveshje për të frenuar programin e tij bërthamor, me SHBA-në që po shton praninë e saj ushtarake në rajon.
Kjo pasoi shtypjen e dhunshme të protestave antiqeveritare në të gjithë vendin muajin e kaluar nga Irani, të cilat grupet e të drejtave të njeriut thonë se vranë mijëra njerëz.

SHBA-të dhe Irani zhvilluan bisedime indirekte në shtetin e Gjirit të Omanit më herët gjatë shkurtit, ndërsa një raund i dytë do të zhvillohet në Gjenevë të martën, me zëvendësministrin që thotë se ato kishin qenë “pak a shumë në një drejtim pozitiv, por është shumë herët për të gjykuar”. Trump gjithashtu i ka përshkruar këto bisedime si pozitive.

Zëvendësministri i jashtëm vuri në dukje ofertën e Teheranit për të holluar uraniumin e pasuruar 60% si provë të gatishmërisë së tij për kompromis.