Dy persona janë therur mbrëmjen e së mërkurës në Vushtrri, si pasojë e një përleshjeje.

Sipas raportit të Policisë, rreth orës 19:00, në rrugën “Pandeli Sotiri”, dy viktima meshkuj kosovarë kanë kërkuar trajtim mjekësor pasi ishin sulmuar dhe therur me thikë nga tre persona të dyshuar.

Policia ka identifikuar dhe arrestuar tre të dyshuarit.

Pas intervistimit, me vendim të prokurorit, të dyshuarit janë dërguar në mbajtje, ndërsa rasti po hetohet nën veprat penale “lëndim i rëndë trupor” dhe “pjesëmarrje në rrahje”.

“Dy viktima meshkuj kosovarë kanë kërkuar tretman mjekësor pasi ishin therur me thikë nga tre persona të dyshuar meshkuj. Lidhur me rastin janë identifikuar dhe arrestuar tre të dyshuarit meshkuj kosovarë të cilët pas intervistimit me vendim të prokurorit janë dërguar në mbajtje”, thuhet në raport.