19 punëtorë u vetëvranë, ish-shefi dënohet me burg për shkak të ambientit toksik

17:04 | 4 Tetor 2025
Q L

Ish-shefi ekzekutiv i France Telecom, Didier Lombard, është dënuar me një vit burg për krijimin e një ambienti toksik pune që çoi në vetëvrasjen e 19 punonjësve.

Gjatë një procesi ristrukturimi ku synohej shkurtimi i 22 mijë vendeve të punës, dhjetëra punonjës u përballën me transferime të dhunshme, detyra poshtëruese dhe izolim, shkruan UNILAD.

Si pasojë e kësaj situate, 19 persona u vetëvranë dhe 12 të tjerë tentuan vetëvrasjen.

Një grua 32-vjeçare i dha fund jetës në vendin e punës, ndërsa një burrë 57-vjeçar u vetëdogj për vdekje në parkingun e kompanisë.

Kompania, tashmë e njohur si Orange, u gjobit me 83 mijë dollarë, teksa Lombard dhe dy drejtues të tjerë u shpallën fajtorë në lidhje me situatën e krijuar.