Kuvendi i Shqipërisë, ka miratuar sot (24 shtator) përbërjen e komisioneve të përhershme parlamentare.

Nga 121 deputetë të pranishëm në sallë, 94 votuan pro përbërjes së komisioneve, 3 abstenuan, ndërsa 1 votoi kundër.

Sipas ndryshimeve në Rregulloren e Kuvendit, në total janë 11 komisione, nga të cilat 7 do të drejtohen nga mazhoranca dhe 4 nga opozita.

Konkretisht, Partia Socialiste do të drejtojë:

Komisioni për Ekonominë, Punësimin dhe Financat
Komisioni për Çështjet Ligjore dhe Administratën Publike
Komisioni për Çështjet e Brendshme dhe Mbrojtjen
Komisioni për Burimet Natyrore, Infrastrukturën dhe Zhvillimin e Qëndrueshëm
Komisioni për Bujqësinë, Ushqimin dhe Zhvillimin Rural
Komisioni për Evropën dhe Punët e Jashtme
Komisioni për Nismat Qytetare, Bashkëpunimin dhe Mbikëqyrjen Institucionale
Nën drejtimin e Partisë Demokratike do të jenë:

Komisioni për Edukimin, Shkencën dhe Sportet
Komisioni për Shëndetësinë dhe Mirëqenien Sociale
Komisioni për të Drejtat e Njeriut dhe Mjetet e Informimit Publik
Komisioni për Kulturën, Turizmin dhe Diasporën