Transferimi i shumëpritur i Ibrahima Konate te Real Madridi ka hasur në një pengesë të papritur.

Sipas raportimeve nga Radio Marca, marrëveshja nuk do të realizohet këtë verë.

Kontrata aktuale e Konaté me Liverpoolin skadon në vitin 2026 dhe duket se mbrojtësi francez synon ta përfundojë kontratën e tij përpara se t’i bashkohet gjigantit spanjoll si lojtar i lirë.

Disa burime raportojnë se Konate ka arritur një marrëveshje paraprake me Real Madridin për t’u bashkuar me klubin në verën e vitit 2026, kur të përfundojë kontrata e tij me Liverpoolin.

Kjo vonesë mund të jetë në favor të Real Madridit, duke i dhënë kohë për të rivlerësuar nevojat në mbrojtje dhe për të përgatitur integrimin e Konate në skuadrën që pritet të drejtohet nga Xabi Alonso sezonin e ardhshëm.

Nëse gjithçka shkon sipas planit, Konaté do të jetë lojtari i dytë që do t’i bashkohet Real Madridit si transferim i lirë, pas Trent Alexander-Arnold që pritet të mbërrijë këtë verë.

Tani për tani, gjithçka tregon se Ibrahima Konaté do të veshë fanellën e Real Madridit në verën e vitit 2026.