Arrestohet një person në Prishtinë, policia sekuestron drogë, para dhe një thikë

15:40 | 19 Korrik 2025
E.K

Një person është arrestuar në Prishtinë gjatë një kontrolli rutinë nga njësitë policore të Stacionit të Veriut, pasi iu gjetën substanca të dyshuara narkotike, një shumë e konsiderueshme parash dhe një thikë.

I dyshuari, M.S., 28 vjeçar, pas verifikimit ka rezultuar se ishte edhe në kërkim policor.

“Gjatë kontrollit të kryer, janë sekuestruar një sasi e substancave të dyshuara narkotike, një shumë e konsiderueshme e parave dhe një thikë”, njoftoi Policia.

Ndaj tij, me vendim të prokurorit të shtetit është caktuar masa e ndalimit prej 48 orësh.

Rasti është iniciuar për veprat penale “blerje, posedim, shpërndarje dhe shitje të paautorizuar të narkotikëve, substancave psikotrope dhe analoge” dhe “armëmbajtje pa leje”.