Zyrtarët policorë të rajonit të Prishtinës, edhe këtë javë e patën të gjeshur me detyra dhe aktivitete në ruajtjen e një ambienti të qetë dhe parandalimin e krimit.

Gjatë kësaj kohe, u konfiskuan nëntë armë zjarri të kalibrave të ndryshëm, si dhe qindra municione të llojeve dhe kalibrave të ndryshëm.

” Nga zyrtarët policor të rajonit Prishtinës, gjatë javës së kaluar në lokacione të ndryshme dhe aksione të ndara, janë realizuar 200 urdhëresa të gjykatës, prej tyre 49 urdhëresa për vepra penale, ndërsa të tjerat për kundërvajtje, seanca, verifikime etj. Në përputhje me urdhëresat, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa”, thuhet në njoftim.

Ndërkaq aktivitetet policore në sferën e sigurisë në trafikun rrugor.

• Në po të njëjtën periudhë kohore, kanë rezultuar me shqiptimin e 4131 masave administrative me gjobë për lloje të ndryshme të kundërvajtjeve dhe shkeljeve të kodit rrugor, prej tyre 905 të evidentuara nga vetura intelegjente dhe vetura me radar mobil.