Një foshnje 9-muajshe ka ndërruar jetë të premten në Qendrën Klinike Universitare të Kosovës (QKUK), pas disa ditësh trajtimi mjekësor.

Sipas raportit të policisë, më 29 qershor 2025, foshnja ishte dërguar fillimisht në Emergjencën e Spitalit Rajonal të Prizrenit dhe më pas ishte transferuar për trajtim të mëtutjeshëm në QKUK në Prishtinë. Ajo ndërroi jetë më 11 korrik 2025.

Autoritetet kanë nisur hetimet për të sqaruar rrethanat e vdekjes së foshnjës.

“Fsh. Gjinoc, Suharekë.29.06.2025-17:00. Me datë 29.06.2025 në Emergjencën e Spitalit Rajonal Prizren, ishte sjell një fëmijë 9 muajsh. Me datë 11.07.2025 viktima (fëmijë) kishte ndërruar jetë në QKUK-Prishtinë. Me vendim të prokurorit trupi i pa jetë dërgohet në IML për obduksion”, thuhet në raport./Arbresh.info