Pilotët e Forcës së Sigurisë së Kosovës kanë përfunduar me sukses trajnimin rifreskues me helikopter në Shkollën e Aviacionit Tokësor në Turqi.

Sipas njoftimit të FSK-së, gjatë këtij trajnimi pilotët Afrim Zabeli, Atdhe Hasaniu dhe Krenar Voca zhvilluan dhe avancuan më tej aftësitë e tyre përmes fluturimeve praktike, duke përfshirë skenarë të ndryshëm të fluturimeve emergjente dhe taktike

“Republika e Turqisë në vazhdimësi ka dhënë kontributin e saj në ngritjen e kapaciteteve të FSK-së në fusha të ndryshme, dhe me këtë raste mbështetjen e vazhdueshme në fuqizimin e kapaciteteve tona ajrore, përmes bashkëpunimeve të tilla, ne rrisim ndërveprueshmërinë me partnerët tanë dhe forcojmë themelet e një ushtrie moderne, të aftë dhe të përgatitur”, thuhet në njoftim./Arbresh.info