Çdo vit, më 14 qershor, vende të shumta në mbarë botën shënojnë Ditën Botërore të Dhurimit të Gjakut – një ngjarje me rëndësi të veçantë, që synon të rrisë ndërgjegjësimin për nevojën e gjakut të sigurt dhe të falënderojë dhuruesit vullnetarë për kontributin e tyre jetik.

Dhurimi i gjakut është një akt human dhe jetik.

Ai është i pazëvendësueshëm në trajtimet mjekësore dhe ndërhyrjet kirurgjikale, ndihmon pacientët që vuajnë nga sëmundje kërcënuese për jetën të jetojnë më gjatë dhe me cilësi më të mirë, dhe luan një rol thelbësor në përballimin e situatave emergjente.

Në raste katastrofash natyrore, aksidentesh të rënda, konflikteve të armatosura apo emergjencave mjekësore gjatë lindjes, kërkesa për gjak dhe produktet e tij rritet ndjeshëm.

Prandaj, dhurimi i rregullt dhe vullnetar i gjakut është i domosdoshëm për të garantuar furnizim të qëndrueshëm dhe të sigurt në të gjitha rrethanat./Arbresh.info