Trajneri i ri i Brazilit, Carlo Ancelotti ka nisur përgatitjet me grupin në prag të dy ndeshjeve për kualifikimet në Kupën e Botës për vitin e ardhshëm.

Para ndeshjes së nesërme me Ekuadorin, “Don Carlo”, ka dal në konferencë për media, ku ndër të tjera foli edhe për yllin e Real Madridit, Vinicius Junior, shkruan Arbresh.info.

Vini nuk kaloi një sezon aspak të mirë me Realin, ku ishte shenjë e kritikave nga tifozët, për arrogancën e tij.

Mirëpo, Carlo premtoi një rikthim të madh të tij.

“Së shpejti do ta shihni versionin më të mirë të Vinicius Juniorit këtu tek Brazili e gjithashtu edhe tek Real Madridi”.

“Ai është gati dhe është i motivuar”, tha Ancelotti në konferencë.

Brazili me datë 6 qershor me fillim nga ora 1:00 pas mesnate, me kohën tonë lokale luan ndeshjen e radhës në udhëtim tek Ekuadori./Arbresh.info