Një incident i dyshimtë ka ndodhur mëngjesin e së mërkurës në oborrin e Qendrës Klinike Universitare të Kosovës (QKUK), ku vetura private e ushtruesit të detyrës së drejtorit të QKUK-së, Dr. Osman Hajdari, është dëmtuar në rrethana ende të paqarta.

Ndaj këtij rasti ka reaguar ministri në detyrë i Shëndetësisë, Arben Vitia i cili tha se kushdo që ka provuar të vendos sprovë në shtetin dhe institucionet e vendit do të dështojë, përcjell Arbresh.info.

“Kushdo që ka provuar të vendosë në sprovë shtetin dhe institucionet e vendit do të dështojë. Sulmi ndaj U.d. Drejtorit të QKUK-së do të marrë përgjigjen që meriton. Nuk ka kthim pas sepse asnjë prej nesh nuk do ta lejojë këtë në asnjë rrethanë”, ka shkruar Vitia në llogarinë e tij në Facebook.

Ndryshe nga ky sulm nuk ka persona të lënduar përveç dëmeve materiale.

Ndërsa ushtruesi i detyrës së drejtorit të Qendrës Klinike Universitare të Kosovës (QKUK), Dr. Osman Hajdari, ka thënë se këtë akt e sheh si një tentativë për ta penguar në përpjekjet e tij për vendosjen e rendit dhe ligjshmërisë në QKUK./Arbresh.info

LEXO EDHE:

Hajdari flet për shpërthimin në veturë: Konsideroj se lidhet me punën time në QKUK, nuk kam asnjë problem personal