Policia në Mitrovicë arreston një person të dyshuar për vjedhje të veturës në Prishtinë

09:00 | 29 Prill 2025
K.B

Policia e Kosovës ka arrestuar një person të dyshuar për vjedhje të veturës në Prishtinë

Siç njofton policia, në orët e paradites të datës 28.04.2025, Policia në Mitrovice kishte pranuar një informatë për një veturë te vjedhur në Prishtinë

Rreth orës 22:00, derisa një njësi policore kishte qene ne një pikë kontrolli në Mitrovicë, kishin vërejtur automjetin për te cilin ishte dhënë njoftimi se ishte i vjedhur në Prishtinë.

“Zyrtarët policor kanë tentuar ta ndalojnë automjetin, mirëpo ngasësi nuk ishte ndaluar në urdhrin e policisë por kishte vazhduar me shpejtësi të madhe kështu që njësia policore ishte vënë në ndjekje të automjetit dhe pas një kohe kanë arritur që të ndalojnë automjetin në fshatin Vllahi të Mitrovicës”, thuhet në njoftimin nga policia.

Policia bën të ditur se vetura pas procedurave i është kthyer pronarit./Arbresh.info/