Ministria e Jashtme izraelite ka pohuar se deklarata e lëshuar në samitin në Kajro “dështon të adresojë realitetet e situatës pas 7 tetorit 2023, duke mbetur e rrënjosur në perspektiva të vjetruara”.

Izraeli e kritikoi tubimin për mospërmendjen e sulmit apo dënimin e Hamasit.

Deklarata pohoi gjithashtu, “Me idenë e Presidentit Trump, ka një mundësi për banorët e Gazës që të kenë zgjedhje të lirë bazuar në vullnetin e tyre të lirë. Kjo duhet të inkurajohet!”

“Në vend të kësaj, shtetet arabe e kanë refuzuar këtë mundësi, pa i dhënë një shans të drejtë, dhe vazhdojnë të ngrenë akuza të pabaza kundër Izraelit”, tha ministria gjithashtu, duke përsëritur se Hamasi “nuk mund të lihet në pushtet” në Gaza.

Deklarata u kërkoi shteteve rajonale “të çlirohen nga kufizimet e kaluara dhe të bashkëpunojnë për të krijuar një të ardhme stabiliteti dhe sigurie”./euronews