Sulmi me thikë në Gjakovë, kjo është gjendja e tij shëndetësore

18:06 | 1 Shkurt 2025
R J

Personi i therur me thikë në Gjakovë është në gjendje stabile dhe jashtë rrezikut për jetë.

Lajmin për Arbresh.info e ka konfirmuar mjeku kujdestar në Emergjencën të Qendrës Klinike Universitare të Kosovës (QKUK), Agron Çitaku.

“Pacienti është trajtuar, është në trajtim mëtutjeshëm në Kirurgji torakale. Stabil është, për jetë nuk është në rrezik”, ka thënë Çitaku.

Ndërkaq, sot u raportua se një person është sulmuar me mjet të mprehtë në rrugën “Yll Morina” në Gjakovë.

Theret me thikë një person në Gjakovë, arrestohet i dyshuari

Zëdhënësi i Policisë së Kosovës për rajonin e Gjakovës, Sheremet Elezaj, ka konfirmuar rastin e therjes me thikë, duke thënë se “Rreth orës 10:25 viktima mashkull i moshës madhore është dërguar për trajtim mjekësor pasi ishte sulmuar nga i dyshuari po ashtu i moshës madhore (dyshohet me mjet të mprehtë) në rrugën ‘Yll Morina’ në Gjakovë”, tha Elezaj./Arbresh.info